పెట్రోల్, డీజిల్ కష్టాలు? మోదీ అత్యవసర భేటీ!

పశ్చిమాసియా సంక్షోభం: ముఖ్యమంత్రులతో ప్రధాని మోదీ కీలక సమీక్ష. హోర్ముజ్ జలసంధి మూసివేత భయాలు - దేశంలో ఇంధన సరఫరాపై మోదీ ఆరా. ఇంధన భద్రతపై కేంద్రం

అప్రమత్తం: రాష్ట్రాల సహకారం కోరిన ప్రధాని. చమురు ధరల పెరుగుదల. రాష్ట్రాల సన్నద్ధతపై మోదీ కీలక ఆదేశాలు. 

ప్రపంచవ్యాప్తంగా చమురు రవాణాకు కీలకమైన హోర్ముజ్ జలసంధి మూతపడే అవకాశం ఉందన్న వార్తలు భారత్ వంటి దిగుమతులపై ఆధారపడే దేశాలకు ఆందోళన కలిగిస్తున్నాయి. ఈ విషయాన్ని ఇప్పటికే ప్రధాని పార్లమెంట్ వేదికగా ప్రస్తావించారు. దేశ ప్రయోజనాల దృష్ట్యా కేంద్రం తీసుకునే చర్యలకు రాష్ట్రాలు క్షేత్రస్థాయిలో అండగా ఉండాలని కోరారు.

ముఖ్యమంత్రులతో ప్రధాని సమీక్ష: కీలక అంశాలు ఇంధన భద్రత: పెట్రోల్, డీజిల్, ఎల్‌పీజీ (LPG) మరియు ఎరువుల సరఫరాలో అంతరాయం కలగకుండా చూడటంపై ప్రధాని దృష్టి సారించారు. అంతర్జాతీయ మార్కెట్‌లో ముడిచమురు ధరల పెరుగుదల ప్రభావాన్ని తగ్గించేందుకు రాష్ట్రాల సహకారం కోరారు.

టీమ్ ఇండియా స్పిరిట్: గతంలో కోవిడ్ మహమ్మారిని కేంద్ర, రాష్ట్ర ప్రభుత్వాలు కలిసికట్టుగా ఎలాగైతే ఎదుర్కొన్నాయో, ప్రస్తుత ఆర్థిక సవాళ్లను కూడా అదే స్ఫూర్తితో అధిగమించాలని మోదీ పిలుపునిచ్చారు.

నిత్యావసరాల సరఫరా: యుద్ధ మేఘాల వల్ల సామాన్యులపై భారం పడకుండా, నిత్యావసర వస్తువుల లభ్యతను నిరంతరం పర్యవేక్షించాలని అధికారులను ఆదేశించారు. పాల్గొన్న ప్రముఖులు: ఈ వర్చువల్ సమావేశంలో కేంద్ర మంత్రులు అమిత్ షా, రాజ్‌నాథ్ సింగ్‌తో పాటు ఏపీ సీఎం చంద్రబాబు నాయుడు, తెలంగాణ సీఎం రేవంత్ రెడ్డి, యూపీ సీఎం యోగి ఆదిత్యనాథ్ సహా పలు రాష్ట్రాల ముఖ్యమంత్రులు పాల్గొన్నారు. ఎన్నికలు జరుగుతున్న రాష్ట్రాల ముఖ్యమంత్రులు మినహా మిగిలిన వారంతా హాజరయ్యారు.