ఏపీకి రూ.9.89 లక్షల కోట్ల పెట్టుబడులు..

 నవంబర్ 12, 13 తేదీల్లో విశాఖపట్నంలో జరుగుతున్న ఈ సదస్సుకు దేశవిదేశాలకు చెందిన పారిశ్రామికవేత్తలు, పెట్టుబడిదారులు, ప్రభుత్వ ప్రతినిధులు హాజరవుతున్నారు. అంతర్జాతీయ స్థాయిలో ఆంధ్రప్రదేశ్‌ను పెట్టుబడులకు అనువైన రాష్ట్రంగా నిలబెట్టడమే ఈ సమావేశం ప్రధాన లక్ష్యం. సదస్సు సందర్భంగా ముఖ్యమంత్రి చంద్రబాబు మాట్లాడుతూ రాష్ట్రంలో పరిశ్రమలు స్థాపించేందుకు ముందుకొచ్చే పారిశ్రామికవేత్తలకు ప్రభుత్వం పూర్తి సహకారం అందిస్తుందని తెలిపారు. కొత్తగా 303 ఒప్పందాల ద్వారా రూ.9.89 లక్షల కోట్ల పెట్టుబడులు రానున్నాయని వెల్లడించారు. ఈ ఒప్పందాలు కార్యరూపం దాల్చితే రాష్ట్రంలో తయారీ రంగం, సాంకేతిక రంగం, ఇంధనం, మౌలిక సదుపాయాల అభివృద్ధికి మరింత ఊతం లభించనుంది. ఏయే రంగాల్లో పరిశ్రమలు రానున్నాయి? ఈ పెట్టుబడుల కార్యక్రమంలో ఒక్క రంగానికే పరిమితం కాకుండా అనేక కీలక రంగాలపై ప్రభుత్వం దృష్టి పెట్టింది.