బ్యాలెట్ పేపర్‌తోనే స్థానిక ఎన్నికలు.. SEC కీలక ప్రకటన!

ఆంధ్రప్రదేశ్‌లో స్థానిక సంస్థల ఎన్నికల నిర్వహణకు అధికారులు సిద్ధమవుతున్నారని రాష్ట్ర ఎన్నికల సంఘం (SEC) తెలిపింది. ఎన్నికలను బ్యాలెట్ పేపర్ విధానంలోనే నిర్వహించేందుకు ఏర్పాట్లు కొనసాగుతున్నాయని SEC పేర్కొంది. ఇప్పటికే బ్యాలెట్ బాక్సులను సిద్ధం చేస్తున్నామని, గత రెండు నెలలుగా ఎన్నికల ఏర్పాట్లు జరుగుతున్నాయని వెల్లడించింది. ఫిబ్రవరి నాటికి సిద్ధమైన ఓటర్ల జాబితా ఆధారంగానే ఎన్నికలు నిర్వహించే అవకాశం ఉందని SEC స్పష్టం చేసింది.