ఏపీలో పలు జిల్లాలకు వర్ష సూచన.. అప్రమత్తంగా ఉండాలి

అమరావతి, సెప్టెంబర్ 29: ఏపీలోని పలు జిల్లాల్లో వర్షాలు కురిసే అవకాశం ఉందని విపత్తుల నిర్వహణ సంస్థ తెలిపింది. పార్వతీపురం మన్యం, అనకాపల్లి, కోనసీమ, అనంతపురం, శ్రీసత్యసాయి, వైఎస్సార్ కడప జిల్లాల్లో అక్కడక్కడా తేలికపాటి నుంచి మోస్తరు వర్షాలు పడే అవకాశం ఉంది. ఉత్తరాంధ్ర, రాయలసీమలోని మరికొన్ని ప్రాంతాల్లోనూ చెదురుమదురు వర్షాలు కురిసే అవకాశం ఉంది. ఉరుములు, మెరుపుల సమయంలో ప్రజలు అప్రమత్తంగా ఉండాలని అధికారులు సూచించారు.