పల్లె పండుగ 3.0.. గ్రామాల్లో ₹11 వేల కోట్ల పనులు

ఆంధ్రప్రదేశ్‌లో గ్రామీణ అభివృద్ధికి మరింత ఊతమిచ్చేలా ‘పల్లె పండుగ 3.0’ కార్యక్రమానికి ప్రభుత్వం సన్నాహాలు చేస్తున్నట్లు సమాచారం. సెప్టెంబర్ 29న ఈ కార్యక్రమాన్ని ప్రారంభించేందుకు ఏర్పాట్లు జరుగుతున్నాయి. రాష్ట్రవ్యాప్తంగా సుమారు ₹11 వేల కోట్ల విలువైన అభివృద్ధి పనులకు శ్రీకారం చుట్టే అవకాశం ఉంది. గ్రామాల్లో మౌలిక వసతులు, ప్రజలకు అవసరమైన సదుపాయాల అభివృద్ధిపై ప్రధానంగా దృష్టి సారించనున్నట్లు తెలుస్తోంది. దీనికి సంబంధించిన పూర్తి వివరాలు అధికారిక ప్రకటనలో వెల్లడయ్యే అవకాశం ఉంది.