పేషెంట్లుగా వెళ్లిన పోలీసులు.. 5 మంది నకిలీ వైద్యుల అరెస్ట్!

నకిలీ వైద్యులపై పోలీసులు కొరడా ఝళిపించారు. పేషెంట్లుగా వెళ్లి ఆకస్మికంగా తనిఖీలు నిర్వహించిన పోలీసులు.. వైద్య అర్హతలు లేకుండానే చికిత్స చేస్తున్న ఐదుగురిని గుర్తించి అరెస్ట్ చేసినట్లు సమాచారం. మల్లాపూర్‌లో ముగ్గురు, రాంగోపాల్‌పేటలో ఒకరు, మేడిపల్లిలో మరొకరిని అదుపులోకి తీసుకున్నట్లు అధికారులు తెలిపారు. నకిలీ వైద్యం చేస్తున్న వారిపై కఠిన చర్యలు తీసుకుంటామని పోలీసులు హెచ్చరించారు.