శ్రీ సిటీలో భారీ పేలుడు.. నలుగురు మృతి

తిరుపతి జిల్లా శ్రీ సిటీలోని ఓ ఫార్మా పరిశ్రమలో శనివారం ఉదయం బాయిలర్ పేలడంతో తీవ్ర ప్రమాదం జరిగింది. ఈ ఘటనలో నలుగురు కార్మికులు ప్రాణాలు కోల్పోగా, మరో 10 మంది గాయపడ్డారు. పేలుడు ధాటికి భవనంలోని కొంత భాగం దెబ్బతిన్నట్లు సమాచారం. వెంటనే అగ్నిమాపక, పోలీసు, రెస్క్యూ బృందాలు అక్కడికి చేరుకుని సహాయక చర్యలు చేపట్టాయి. క్షతగాత్రులను ఆస్పత్రులకు తరలించారు.