తుపానుపై చంద్రబాబు కీలక ఆదేశాలు.. ప్రజలకు అలర్ట్!

ఈ నెల 27 నుంచి మూడు రోజుల పాటు ఆంధ్రప్రదేశ్‌లో భారీ వర్షాలు కురిసే అవకాశం ఉండటంతో సీఎం చంద్రబాబు అధికారులను అప్రమత్తం చేశారు. తుపాను ప్రభావంపై సమీక్ష నిర్వహించి, ప్రజలకు ముందస్తు హెచ్చరికలు జారీ చేయాలని ఆదేశించారు. మత్స్యకారులు సముద్రంలోకి వెళ్లకుండా చర్యలు తీసుకోవాలని సూచించారు. లోతట్టు ప్రాంతాలు, కాలనీల ప్రజలను అప్రమత్తం చేస్తూ, అవసరమైన సహాయక చర్యలకు సిద్ధంగా ఉండాలని అధికారులకు స్పష్టం చేశారు.